Oru Manidhanum Sila Erumai Madugalum / ஒரு மனிதனும் சில எருமை மாடுகளும்

திரு. ஜெயகாந்தன், 1934 -ம் ஆண்டு ஏப்ரல் 24-ம் தேதி, தமிழ்நாட்டில், கடலூர் மஞ்சக்குப்பத்தில் தண்டபாணி பிள்ளைக்கும் மகாலட்சுமிக்கும் பிறந்தவர். சிறந்த மனிதாபிமானியான திரு.ஜெயகாந்தன் இறவாத புகழுடைய நூல்களைத் தமிழ் மொழியில் இயற்றியதால் மகாகவி பாரதியார், குருதேவ் தாகூர், சரத்சந்திரர் போன்ற இந்தியாவின் மாபெரும் எழுத்தாளர்களின் வரிசையில் வைத்து எண்ணத் தக்க எழுத்தாளர்ஆவார்.
மக்கள்பால் எல்லையற்ற அன்பும், சர்வதேச ஞானமும் கொண்ட இந்த மாபெரும் எழுத்தாளரின் எழுத்துக்கள் ருஷ்ய, பிரெஞ்சு, ஆங்கில, செக், உக்ரேனிய, ஜெர்மனி மொழிகளிலும் இந்தியாவின் அனைத்து மொழிகளிலும் மொழி பெயர்க்கப்பட்டிருக்கின்றன. சாகித்திய அகாதமி விருதும், சோவியத் நாட்டின் நேரு விருதும், தமிழ்ப் பல்கலைக் கழகத்தின் ராஜராஜன் விருதும், அளித்து அந்த ஸ்தாபனங்கள் இவரைக் கெளரவித்திருக்கின்றன.