Vikram by Lokesh Kanagaraj

1986 ஆம் ஆண்டு மார்ச் 14ம் தேதி, கோயம்புத்தூர் மாவட்டத்திலுள்ள கிணத்துக்கடவில் பிறந்த லோகேஷ் கனகராஜ், இன்று தமிழ் திரையுலகில் முன்னணி இயக்குனர்களில் ஒருவராகத் திகழ்ந்து வருகிறார்.2017ஆம் ஆண்டு “மாநகரம்” திரைப்படம் மூலமாக, இத்திரையுலகில் கால்பதித்த லோகேஷ் கனகராஜின் எழுத்தில் 2019 ஆம் ஆண்டு வெளியான திரைப்படம் தான் கைதி.இதற்கடுத்து 2021ல் மாஸ்டர், 2022ல் விக்ரம் என அடுத்தடுத்து பெரு வெற்றிப்படங்களைக் கொடுத்தவர் லோகேஷ் கனகராஜ். சினிமா துறையில் அடியெடுத்துவைக்க நினைக்கிற பல இளைஞர்களுக்கும் முன்மாதிரியாகத் திகழ்கிற லோகேஷ் கனகராஜின் எழுத்திலும் இயக்கத்திலும் வெளியான “விக்ரம்” திரைப்படத்தின் திரைக்கதை, பேசாமொழி பதிப்பகத்தின் வாயிலாக புத்தகமாக வெளிவருகிறது. 2022 ஆம் ஆண்டின் மெகா ஹிட் திரைப்படமாகவும்,தமிழ் சினிமா இதுவரை கண்டிராத வசூல் சாதனையையும் நிகழ்த்தியிருக்கிற “விக்ரம்” திரைப்படத்தின் திரைக்கதை, கமர்ஷியல் திரைக்கதை வடிவத்தைப் பயில விரும்புகிறவர்களுக்கு ஒரு திறவுகோலாக அமையும்.